Pawan Kalyan: తెలుగు సినిమా ఇండస్ట్రీలో ఎనలేని గుర్తింపు అంతకుమించి క్రేజీ ఫ్యాన్ ఫాలోయింగ్ మూటగట్టుకున్న పవర్ స్టార్ పవన్ కళ్యాణ్ (Power Star Pawan Kalyan) గురించి ఎంత చెప్పినప్పటికీ అది తక్కువే అవుతుంది. ఎందుకంటే.. ఆయన క్రేజ్ ఇక్కడ అలాంటి.. మెగాస్టార్ చిరంజీవి సోదరునిగా సినిమా రంగంలోకి అడుగుపెట్టి ప్రస్తుతం అన్నకు మించిన తమ్మునిగా ఎదిగారు. కోట్లలో అభిమానులు ఉన్న మెగా ఫ్యామిలీకి ఓ సపరేట్ ఫ్యాన్ బేస్ ను పవర్ స్టార్ పవన్ కళ్యాణ్ కూడా సంపాదించుకున్నారు. ప్రస్తుతం మాత్రం ఓ వైపు రాజకీయ పరంగా మరో వైపు ఇండస్ట్రీలో సినిమాల పరంగా క్షణం తీరిక లేకుండా చాలా బిజీ బిజీగా తన జీవితాన్ని కొనసాగిస్తున్నారు. అయితే అసలు విషయానికొస్తే..
మన టాపిక్ పరంగా పవన్ కళ్యాణ్ కుమార్ అనే పేరుని పవర్ స్టార్ పవన్ కళ్యాణ్ గా మార్చింది ఎవరు.? అలా పవన్ కళ్యాణ్ అభిమానులు ఓ దేవుడిలా పవర్ స్టార్ అంటూ ఆరాధిస్తుంటారు. మరి అసలు పవన్ కళ్యాణ్ కి పవర్ స్టార్ అని బిరుదు ఎవరు పెట్టారు.? అసలు ఎలా వచ్చింది.? దీని వెనుక ఉన్న ఆ స్టోరీ ఏంటో మనం ఇప్పుడు తెలుసుకుందాం.. పవన్ కళ్యాణ్ మొదట నటించిన చిత్రం అక్కడ అమ్మాయి ఇక్కడ అబ్బాయి.. ఆ చిత్రంతోనే హీరోగా తెలుగు చిత్ర పరిశ్రమకు పరిచయమయ్యాడు. తొలి చిత్రం ఆశించిన స్థాయిలో ఫలితం రాబట్ట లేకపోయినప్పటికీ.. పవన్ కళ్యాణ్ రెండో చిత్రం గోకులంలో సీత సూపర్ హిట్ బ్లాక్ బాస్టర్ గా నిలిచింది. (Power Star Pawan Kalyan)
ఈ చిత్రంలో రాశీ హీరోయిన్ గా నటించగా ముత్యాల సుబ్బయ్య ఈ చిత్రానికి దర్శకత్వం వహించారు. ఇక ఈ చిత్రం శ్రీ పద్మసాయి బ్యానర్ పై వి.శ్రీనివాసరాజు ఈ సినిమాను నిర్మించారు. 1997 సంవత్సరంలో విడుదలైన ఈ చిత్రం సూపర్ హిట్ ను కైవసం చేసుకుంది. దాంతో బాక్సాఫీస్ వద్ద కాసుల వర్షాన్ని మూట కట్టుకుంది. ఇక ఈ చిత్రానికి మాటలు అందించినవారు పోసాని కృష్ణమూర్తి గారు.. ఇక ఈ చిత్రం విడుదల సందర్భంగా పోసాని కృష్ణ మురళి గారు మొట్ట మొదటిసారి మీడియా ముందుకు వచ్చారు. అందులో భాగంగానే పవన్ కళ్యాణ్ ను పవర్ స్టార్ అని పిలిచాడు.
ఇక అప్పటినుండే చాలా పేపర్లలో పవన్ కళ్యాణ్ కి ముందు పేరు పవర్ స్టార్ అని రాయడం ప్రారంభించాయి. అలా అలా పవన్ కళ్యాణ్ కి పవర్ స్టార్ అనే బిరుదుతో ఎన్నో రకాల కథనాలు వచ్చాయి. అందువల్లే పవన్ కళ్యాణ్ కుమార్ కాస్త పవర్ స్టార్ పవన్ కళ్యాణ్ గా మారింది. ఇంత కథ జరిగిందన్నమాట పవన్ కళ్యాణ్ పేరు పవర్ స్టార్ గా మారడానికి.. ప్రస్తుతం పవర్ స్టార్ నటిస్తున్న సినిమాలు చూసినట్లయితే.. హర హర వీరమల్లు, ఓజీ. ఉస్తాద్ భగత్ సింగ్ మొదలైన సినిమాల్లో నటిస్తున్నాడు. అలాగే పవన్ కళ్యాణ్ మేనల్లుడు సాయి ధరమ్ తేజ్ తో కలిసి బ్రో చిత్రంలో నటించాడు. ఇక ఈ చిత్రం ఈ నెలలోనే విడుదల కాబోతున్నది.
