Ustaad Bhagat Singh:హరీష్ డైరెక్టర్ దర్శకత్వంలో పవర్ స్టార్ పవన్ కళ్యాణ్ క్రేజీ కాంబినేషన్లో తెరకెక్కబోతున్న చిత్రం ఉస్తాద్ భగత్ సింగ్.. గబ్బర్ సింగ్ చిత్రం తర్వాత వీరిద్దరి కాంబోలో రిపీట్ అవుతున్న తర్వాతే చిత్రం ఇదే కావడం విశేషం. దాంతో ఈ చిత్రంపై ఇటు పవర్ స్టార్ అభిమానులకే కాక తెలుగు ప్రేక్షకులకు సైతం భారీ అంచనాలు భారీ స్థాయిలో నెలకొన్నాయి. కాగా ఈ చిత్రాన్ని అప్పుడు ఎప్పుడో మూడు సంవత్సరాల క్రితమే ప్రకటించండం జరిగింది. గత కొద్ది రోజుల క్రితమే సెట్స్ మీదకి వెళ్లగా.. ఎక్కువ రోజులు కూడా షూటింగ్ జరగలేదు. తిప్పి కొడితే పది శాతం మేర షూటింగ్ పనులు పూర్తయ్యాయని తెలుస్తోంది.
మరి పవర్ స్టార్ పవన్ కళ్యాణ్ ఈ చిత్రాన్ని ఎప్పుడు ప్రారంభిస్తాడో అని ప్రతి ఒక్కరూ ఆరా తీస్తున్న తరుణంలో.. ఇక ఇప్పటింతలో అయితే మాత్రం ఈ సినిమా షూటింగ్ పనులు ముందుకి సాగబోవు అనే తెలుస్తుంది. ఎందుకంటే వచ్చే సంవత్సరం ఆంధ్రప్రదేశ్ లో ఎన్నికల కారణం చేత పవర్ స్టార్ రాజకీయ వారాహి యాత్రలలో చాలా బిజీ బిజీగా గడపనున్నారు. అందు కారణం చేతనే ఆయన ఈ చిత్రానికి డేట్స్ ఇవ్వలేకపోతున్నాడట. ప్రస్తుతానికి మాత్రం ఏదోలా త్వర త్వరగా బ్రో చిత్రాన్ని పూర్తి చేసుకున్న పవన్ చేతిలో ఇంకా మూడు చిత్రాలు ఉన్నాయట..
అందులో ఒకటి హరహర వీరమల్లు కాగా రెండవది ఓజి మూడవది (Ustaad Bhagat Singh) ఉస్తాద్ భగత్ సింగ్.. కాగా ఇప్పటికే షూటింగ్ పనులు చివరి దశలో ఉన్న ఓజీ చిత్రానికి మరో ఇరవై రోజుల సమయాన్ని కేటాయిస్తే ఈ చిత్ర పనులు పూర్తిగా పూర్తవనున్నాయి. దీంతో ఈ చిత్రానికి పవన్ ఎలా అయిన డేట్స్ అడ్జస్ట్ చేస్తానని చెప్పాడట.. ఇక ఉస్తాద్ భగత్ సింగ్ చిత్రం కేవలం పది శాతం మాత్రమే పూర్తయినందున ఈ చిత్రం కోసం డేట్స్ అడ్జస్ట్ చేయలేకపోతున్నాడట అంటూ కామెంట్స్ వినబడుతున్నాయి. అయితే ఈ చిత్రం కోసం చాలా సమయం పవన్ వెచ్చించాల్సి ఉన్నందున ప్రస్తుతం ఆయన డేట్స్ ఖాళీ లేనందు వల్ల ఈ చిత్రం ఆగిపోవడం లేక వాయిదా పడుతుందా అన్న వార్తలు ప్రస్తుతం వెలువడుతున్నాయి.
ఒకవేళ పవన్ కళ్యాణ్ ఈ చిత్రానికి డేట్స్ గనుక ఇచ్చినట్లయితే అది ఆంధ్రప్రదేశ్ ఎలక్షన్ల తర్వాతే.. ఎలక్షన్స్ ఫలితాలు అనుకూలించి ఒకవేళ ఆ తర్వాత ఏం జరుగుతుందో ఎవరు చెప్పలేదనే భావిస్తున్నారు. ఎలక్షన్ అయిపోయిన తర్వాత పరిస్థితిని బట్టి చూస్తే.. పవన్ కళ్యాణ్ ఈ చిత్రానికి డేట్స్ అడ్జస్ట్ చేయొచ్చు చేయలేకపోవచ్చు అని చెబుతున్నారు సినీ విశ్లేషకులు. కానీ ఏది ఏమైనప్పటికీ హరీష్ శంకర్ దాదాపు మూడేళ్ల నుంచి పవన్ కళ్యాణ్ డేట్స్ కోసం కాసుకుని కూర్చున్నాడు. కానీ ఈ చిత్రం ఏమో మళ్లీ ఇంకో సంవత్సరం దాకా మొదలయ్యేలా లేదని కనిపిస్తుంది. చూద్దాం మరి ఏమవుతుందో ఎలా మొదలవుతుందో..
