Superstar Mahesh Babu: ఘట్టమనేని మహేష్ బాబు గురించి తెలుగు పరిశ్రమలోనే కాకుండా సౌత్ ఇండియా మొత్తం కచ్చితంగా తెలిసే ఉంటుంది. ఇక ఆయన లాంటి హీరోలకు పెద్దగా పరిచయాలు అవసరం లేదు. సూపర్ స్టార్ కృష్ణ తనయుడుగా ఇండస్ట్రీలోకి అడుగు పెట్టిన మహేష్ బాబు తన చిన్నతనం నుండే చైల్డ్ ఆర్టిస్ట్ గా ఎన్నో చిత్రాల్లో నటించాడు. బాల నటుడిగా కూడా ప్రేక్షకుల మన్ననలు అందుకున్నాడు. ఇక హీరోగా మాత్రం రాజకుమారుడు అనే చిత్రంతో ఎంట్రీ ఇచ్చాడు. తన తొలి చిత్రంతోనే ఉత్తమ నూతన నటుడిగా నంది అవార్డు కైవసం చేసుకున్నాడు.
ఇక ఆ తర్వాత వరుసగా సినిమాలు చేస్తూ స్టార్ హీరోగా ఎదిగిపోయాడు. కానీ మనం అనుకున్నంత సింపుల్ గా ఆయనకు స్టార్టమ్ దక్కలేదు. సూపర్ స్టార్ కొడుకు అయినంత మాత్రాన మహేష్ బాబు కూడా సూపర్ స్టార్ అయిపోడు. దానికి తగ్గ కృషి శ్రమ కచ్చితంగా ఉంటుంది. అలా మహేష్ బాబు కూడా తండ్రికి తగ్గట్టుగా సూపర్ స్టార్ అనిపించుకునేందుకు చాలా కష్టపడ్డాడు. ప్రస్తుతం తెలుగు చిత్ర పరిశ్రమల్లో టాప్ హీరోలలో ఒకరుగా తన సత్తా చాటుకుంటున్నాడు. చాలా జాగ్రత్తగా సెలెక్టివ్ గా సినిమా స్టోరీలను ఎంపిక చేసుకుంటూ బ్యాక్ టు బ్యాక్ హిట్స్ తో దూసుకుపోతున్నాడు. అయితే ప్రస్తుతం మహేష్ బాబుకు సంబంధించిన టాప్ సీక్రెట్ ను కృష్ణ సోదరుడు ప్రముఖ నిర్మాత అయినటువంటి ఘట్టమనేని ఆదిశేషగిరి రావు గారు లీక్ చేశారు.
అదేమిటంటే.. మే 31 వ తారీకున కృష్ణ నటించిన మోసగాళ్లు చిత్రం రీ రిలీజ్ కాబోతున్న సంగతి తెలిసిందే. అయితే ఈ సినిమాకు నిర్మాతగా వ్యవహరించింది కూడా ఆదిశేషగిరిరావు ఓ ప్రమోషన్ లో భాగంగా ఓ ఇంటర్వ్యూలో పాల్గొన్నారు. మహేష్ బాబును చిన్నప్పటి నుంచి చూస్తూనే ఉన్నా నాకు ఎప్పుడో తెలుసు మహేష్ బాబు పెద్ద స్టార్ హీరో అవుతాడని నేను ఎప్పుడో ఊహించాను కూడా.. నేను అనుకున్నట్లుగానే అదే ఇప్పుడు జరిగింది. మహేష్ బాబు గొప్ప నటుడే కాదు మంచి మిమిక్రీ ఆర్టిస్ట్ కూడా.. ఎవరినైనా సరే ఇట్టే ఇమిటేట్ చేయగలడు. ఈ విషయం చాలామందికి అసలు తెలియనే తెలియదు అంటూ మహేష్ బాబు గురించి మాట్లాడుతూ..
మహేష్ బాబు 14 ఏళ్ల వయసులో డ్రైవింగ్ లైసెన్స్ లేకుండా కారు నడుపుతూ మద్రాస్ పోలీసుల కంటపడ్డాడు. దాంతో పోలీసులు ఆ కారును వెంబడించారు అయినప్పటికీ భయపడకుండా నేరుగా ఆఫీసులోకి వచ్చే కార్ పార్క్ చేసి ఏమీ తెలియనట్లుగా వచ్చి కూర్చున్నాడు. ఇక నేను పోలీసులతో మాట్లాడి పంపించేశానంటూ చిన్నతనంలో మహేష్ బాబు చేసిన ఆ తుంటరి పనిని ఈ సందర్భంగా ఆదిశేషగిరి రావు గారు లీక్ చేశారు. ఇక ప్రస్తుతం మహేష్ బాబు (Superstar Mahesh Babu) తన 28 సినిమాల్లో నటించబోతున్నాడు ఇక ఈ చిత్రాన్ని త్రివిక్రమ్ శ్రీనివాస్ దర్శకత్వం వహించనున్నడు. ఈ చిత్రంలో హీరోయిన్లుగా పూజ హెగ్డే మరియు శ్రీ లీల ఇద్దరు హీరోయిన్లు ఉన్నారు ముఖ్యపాత్రల్లో జాన్ అబ్రహం జగపతిబాబు మొదలైన వారు నటించనున్నారు.
