Rajamouli Instagram Following: ఇండియన్ ఫిలిం ఇండస్ట్రీ లో ప్రస్తుతం రాజమౌళి ని మించిన బ్రాండ్ లేదని చెప్పడం లో ఎలాంటి సందేహం లేదు. ఒక మామూలు డైలీ సీరియల్ డైరెక్టర్ గా కెరీర్ ని ప్రారంభించిన ఆయన, ఆ తర్వాత స్టూడెంట్ నెంబర్ 1 అనే సినిమా తో డైరెక్టర్ గా ఇండస్ట్రీ కి పరిచయమై, తోలి సినిమాతోనే సూపర్ హిట్ ని అందుకొని, ఆ తర్వాత వరుసగా హిట్టు మీద హిట్టు కొట్టుకుంటూ, ‘మగధీర’ సినిమాతో తెలుగు సినిమా ఇండస్ట్రీ స్థాయిని పెంచి, ఆ తర్వాత బాహుబలి సిరీస్ తో మన తెలుగు సినిమా ని పాన్ ఇండియన్ రేంజ్ కి తీసుకెళ్లి,
ఇప్పుడు RRR చిత్రం తో పాన్ వరల్డ్ రేంజ్ లోకి అడుగుపెట్టి ఆస్కార్ అవార్డుని కూడా గెలుచుకున్నాడు. ఇండస్ట్రీ లో దాదాపుగా అందరి హీరోలతో పని చేసిన రాజమౌళికి ప్రతీ హీరో తో ఎంతో మంచి సాన్నిహిత్య సంబంధం ఉంది. కానీ ఆయన తన ఇంస్టాగ్రామ్ లో ఏ హీరోని కూడా ఎందుకు ఫాలో అవ్వడో ఇప్పటికీ అంతు చిక్కని ప్రశ్న. ఇంస్టాగ్రామ్ లో ఆయనకీ దాదాపుగా 25 లక్షల మంది ఫాలోవర్స్ ఉన్నారు. కానీ రాజమౌళి ఫాలో అయ్యేది మాత్రం కేవలం నలుగురిని మాత్రమే. వారిలో తన సోదరుడు MM కీరవాణి ఒకడు కాగా, బాహుబలి నిర్మాత శోభు యార్లగడ్డ, RRR మూవీ హ్యాండిల్, కొడుకు కార్తికేయ ని ఫాలో అవుతున్నాడు (Rajamouli Instagram Following).
కేవలం తన కుటుంబ సభ్యులను తప్ప, ఎవ్వరినీ ఎందుకు రాజమౌళి ఫాలో అవ్వడం లేదు. సోషల్ మీడియా వాడేది తక్కువ కాబట్టి ఫాలో అవ్వడం లేదని అంటున్నారు మరోపక్క ఆయన ఇప్పుడు గ్లోబల్ స్టార్ కదా, స్టార్ హీరోలకంటే పెద్ద ఇమేజి ని సంపాదించాడు. అందుచేత వాళ్ళని ఫాలో అవ్వడం ఏమిటి, నన్నే వాళ్ళు ఫాలో అవ్వాలి అని యాటిట్యూడ్ తో ఉన్నదంటూ మరి కొంతమంది కామెంట్ చేస్తున్నారు. ఇక పోతే ప్రస్తుతం ఆయన కుటుంబం మొత్తానితో కలిసి వరల్డ్ టూర్ వేస్తూ చిల్ అవుతున్నాడు. తిరిగి ఇండియా కి రాగానే మహేష్ బాబు తో ఒక సినిమా ప్రారంభించబోతున్నాడు రాజమౌళి.
ఈ సినిమా స్క్రిప్ట్ ఇప్పటికే సిద్ధం అయ్యింది. ఆగష్టు 9 వ తేదీన మహేష్ బాబు పుట్టిన రోజు సందర్భంగా ఈ సినిమాని ప్రారంభించడానికి సన్నాహాలు చేస్తున్నారు. డిసెంబర్ నెల నుండి రెగ్యులర్ షూటింగ్ మొదలు కాబోతుంది. ప్రస్తుతం రాజమౌళి కుటుంబంతో కలిసి వరల్డ్ టూర్ లో ఉన్నాడు. తన షాదించిన విజయాల్ని ఎంజాయ్ చేస్తున్నాడు జక్కన్న. మల్లి తిరిగివచ్చి సినిమా పనులు మొదలు పెట్టాలి అంటే మన రాజమౌళికి కొద్దిగా విశ్రాంతి కావాల్సిందే మరి.
