Arya Movie: ఐకాన్ స్టార్ అల్లు అర్జున్ సుకుమార్ కాంబోలో నిర్మితమైనటువంటి మొదటి చిత్రం ఆర్య. ఇక ఈ చిత్రంలో హీరోయిన్ గా నటించింది అనురాధ మెహతా. మరి అదే విధంగా ఈ చిత్రంలో కీలక పాత్రల్లో పోషించినవారు శివ బాలాజీ, రాజన్ పి.దేవ్, కృష్ణుడు మొదలైనటువంటి వారు.. ఇక ఈ చిత్రాన్ని నిర్మించింది టాలీవుడ్ లోని బడా నిర్మాతగా పేరుగాంచిన దిల్ రాజు గారు కాగా.. ఈ చిత్రానికి స్వరాలు అందించింది దేవి శ్రీ ప్రసాద్.
ఇక ఈ చిత్రం పూర్తి లవ్ ఎంటర్టైన్మెంట్ గా రూపుదిద్దుకున్నటువంటి ఈ చిత్రం విడుదలైంది 2004వ సంవత్సరంలో.. ఇక అల్లు అర్జున్ కి ఇది 2వ చిత్రం కాగా.. ఇది బాక్సాఫీస్ వద్ద బ్లాక్ బాస్టర్ సూపర్ హిట్ గా నిలిచింది. విడుదలైన మొదటి ఆట నుంచే సూపర్ పాజిటివ్ టాక్ ను సొంతం చేసుకుంటూ దూసుకుపోయిన ఆర్య చిత్రం బాక్స్ ఆఫీస్ వద్ద కాసుల సునామీ కురిపించిందని చెప్పాలి. ఇక ఈ చిత్రంతోనే అల్లు అర్జున్ కు చాలా మంచి గుర్తింపు తీసుకువచ్చింది. ఈ చిత్రం తర్వాత అల్లు అర్జున్ రేంజ్ సినిమా ఇండస్ట్రీలో మొత్తం మారిపోయింది.
భారీ విజయాన్ని కైవసం చేసుకుని తమ ఖాతాలో వేసుకున్న అల్లు అర్జున్, సుకుమారులు ఇక ఈ చిత్రానికి సీక్వెల్ గా వీరిద్దరి కాంబినేషన్లో వచ్చిన చిత్రం ఆర్య 2 కాగా.. ఈ చిత్రం కూడా 2009వ సంవత్సరంలో విడుదలై మంచి విజయాన్ని కూడా అందుకుంది. అయితే చాలా మందికి తెలియని విషయం ఏంటంటే? అసలు ఆర్య సినిమా కథ మొత్తం మొదటగా చెప్పింది అల్లు అర్జున్ కి కాదంట.. ఈ కథనంతా సుకుమార్ రాసింది టాలీవుడ్ కు చెందిన మరొక హీరో కోసం రూపొందించాడట.ఇక ఆ హీరో దగ్గరికి వెళ్లి కథ కూడా మొత్తం వినిపించగా.. ఆయన రిజెక్ట్ చేశాడట. ఇంతకీ ఆర్య (Arya Movie) వంటి సూపర్ హిట్ బ్లాక్ బస్టర్ చిత్రాన్ని వదులుకున్న ఆ హీరో మరెవరు అనుకుంటున్నారు? అల్లరి నరేష్.
అవును ఈ విషయాన్ని ఇటీవల ఆయన ఇంటర్వ్యూలో తెలిపాడు. మొదట ఆర్య కదా వినిపించడానికి సుకుమార్ అల్లరి నరేష్ వద్దకే వెళ్ళగా ఏవేవో కారణాలు చెప్పి ఆయన ఈ కథను చాలా సున్నితంగా రిజెక్ట్ చేసి సుకుమార్ కు నో చెప్పాడట. ఇక ఆ తర్వాత సుకుమార్ ఈ కథను తీసుకొని నేరుగా అల్లు అర్జున్ వద్దకు వెళ్లి చెప్పగా.. ఆ తర్వాత అల్లు అర్జున్ తో ఆర్యను తీయడం ఈ చిత్రం బ్లాక్ బాస్టర్ హిట్ కొట్టడం చాలా చక చకా జరిగిపోయాయి. కానీ ఈ చిత్రాన్ని వదులుకున్న వదులుకున్నందుకు ఇప్పటికీ అల్లరి నరేష్ ఎంతో బాధపడుతున్నట్లు తెలిపాడు. మనందరికీ తెలిసిన విషయమే సుకుమార్ అల్లు అర్జున్ దర్శకత్వంలో రూపుదిద్దుకున్న పాన్ ఇండియా లెవెల్లో తెరకెక్కించి సూపర్ హిట్ బ్లాక్ బాస్టర్ చేసుకున్న పుష్ప సినిమా కూడా ఎలాంటి సంచలనాలు క్రియేట్ చేసిందో మనమంతా చూసాం పుష్ప 2 కూడా అతి త్వరలో మన ముందుకు రాబోతుంది.
