Kalyan Ram: చాలా సంవత్సరాల తర్వాత గత సంవత్సరం బింబిసార సినిమాతో సూపర్ బ్లాక్ బాస్టర్ హిట్టును తన ఖాతాలో వేసుకొని మళ్లీ ఫామ్ లోకి వచ్చాడు నందమూరి కళ్యాణ్ రామ్. మరి కొద్ది రోజుల్లో ఇంకో చిత్రం కూడా ప్రేక్షకులను పలకరించబోతుంది దాని పేరే అమిగోస్… రాజేంద్రరెడ్డి దర్శకత్వం వహించిన ఈ సినిమాలో కళ్యాణ్ రామ్ మూడు పాత్రల్లో మనకు కనిపించనున్నాడు. మనుషులను పోయిన మనుషులు ఎదురైతే ఏం జరుగుతుందని కాన్సెప్ట్ తో ఈ సినిమా సాగనుంది.
మూడు పాత్రల్లో వేర్వేరు రకాలుగా కళ్యాణ్ రామ్ మనల్ని అలరించబోతున్నాడు. మైత్రి మూవీస్ మేకర్స్ బ్యానర్ పై నవీన్ ఎర్నేని, వై.రవిశంకర్ నిర్మిస్తున్న ఈ చిత్రంలో కన్నడ బ్యూటీ ఆషికా రంగనాథ్ మన తెలుగు పరిశ్రమకి పరిచయం కాబోతుంది. సంగీతాన్ని సమకూర్చిన వారు జీబ్రాన్. ఈ చిత్రం ప్రపంచవ్యాప్తంగా ఫిబ్రవరి 10న ప్రేక్షకుల ముందుకు రానుంది. ఈ చిత్రానికి భారీ అంచనాలు ఏర్పడ్డాయి.
ఇప్పటికే అన్ని కార్యక్రమాలను త్వర త్వరగా పూర్తి చేసుకున్న అమిగోస్ కళ్యాణ్ రామ్ ఖాతాలో మరో హిట్ పడుతుందని నందమూరి అభిమానులకు ఎంతగానో నమ్మకంగా ఉన్నారు. ప్రస్తుతానికి పోటీగా ఏ పెద్ద హీరో సినిమాలు లేకపోవడం కళ్యాణ్ రామ్ కి ప్లస్ అవుతుంది. కానీ, ఇక్కడ పోటీకి స్టార్ హీరో, కళ్యాణ్ రామ్ తో దిగనున్నాడు. ఆ స్టార్ ఎవరో కాదు మెగాస్టార్ చిరంజీవి. చిరంజీవి నటించిన సూపర్ హిట్ మూవీ గ్యాంగ్ లీడర్ రీ రిలీజ్కు సిద్ధమైంది.
ఇప్పటికే చాలాసార్లు ఈ చిత్రం వాయిదాల మీద వాయిదాలు పడుతూ వచ్చింది. మొత్తానికి ఫైనల్ గా ఫిబ్రవరి 11వ తేదీ గ్యాంగ్ లీడర్ సినిమానిరీ రీ రిలీజ్ చేస్తున్నట్టు ఖరారు చేశారు. అయితే ఆ ముందు రోజే కళ్యాణ్ రామ్ నటించిన ఈ చిత్రం రిలీజ్ అవుతుంది. వీకెండ్ సమయంలో అలాంటి సూపర్ హిట్ పాత సినిమాని రిలీజ్ చేయడం కచ్చితంగా ఈ సినిమాకు, ఈ సినిమా కలెక్షన్ల పై ప్రభావం పడుతుంది. గ్యాంగ్ లీడర్ తో నందమూరి ఫ్యాన్స్ కోపంతో రగిలిపోతున్నారు. గ్యాంగ్ లీడర్ ను తర్వాత ఎప్పుడైనా రిలీజ్ చేసుకోండి అంటూ నందమూరి అభిమానులు డిమాండ్ చేస్తున్నారు.
