Hero Ravi Teja: ఎలాంటి బ్యాగ్రౌండ్ లేకుండా తెలుగు సినిమా రంగంలో నెంబర్ వన్ స్థానాన్ని కైవసం చేసుకున్న చిరంజీవి గారు అంటే ఎందరో హీరోలకు ఇన్స్పిరేషన్ గా నిలుస్తారు. అలా చిరంజీవి గారిని ఇన్స్పిరేషన్ గా తీసుకొని సినిమా రంగంలోకి అడుగు పెట్టి ప్రస్తుతం స్టార్ హీరోలలో ఒకరిగా కొనసాగుతున్నారు మాస్ మహారాజా రవితేజ. ఇండస్ట్రీలోకి డైరెక్టర్ అవుదామని అడుగు పెట్టి మొదట అసిస్టెంట్ డైరెక్టర్ గా పని చేసి ఆ తర్వాత పలు చిత్రాలలో క్యారెక్టర్ ఆర్టిస్టుగా నటించి మొదటి సారి నీకోసం అనే చిత్రం ద్వారా తెలుగు చిత్ర పరిశ్రమలో హీరోగా అడుగుపెట్టారు. అయితే ఈ చిత్రం తర్వాత ఇట్లు శ్రావణి సుబ్రహ్మణ్యం, అవును వాళ్ళిద్దరూ ఇష్టపడ్డారు మొదలైన చిత్రాలలో నటించినప్పటికీ ఈ చిత్రాలు రవితేజకు అంతగా స్టార్ డమ్ ను తీసుకురాలేదు.
కానీ ఈ చిత్రాల తర్వాత వచ్చిన ఇడియట్ చిత్రం ద్వారా రవితేజ ఒక్కసారిగా ఇండస్ట్రీలో ఎక్కడికో ఎదిగిపోయాడు. ఈ చిత్రంతోనే రవితేజ మాస్ మహారాజా గా తెలుగు సినిమా ఇండస్ట్రీలో గుర్తింపు పొందాడు. ఇప్పటికీ ఇడియట్ సినిమా వస్తే రవితేజ అభిమానులే కాక తెలుగు ప్రేక్షకులు సైతం ఈ చిత్రాన్ని అలా చూస్తూ చాలా ఆసక్తిగా అల చూస్తూ ఉండిపోతారు. ఎలాంటి బ్యాగ్రౌండ్ లేకుండా ఇండస్ట్రీలో హీరోగా ఎదగడం అంటే మామూలు విషయం కాదు. అలా రవితేజ కూడా మొదట్లో ఎన్నో ఆటంకాలు అవరోధాలను ఎదుర్కొని ప్రస్తుతం మన ముందు మహారాజా రవితేజ గా కొనసాగుతూ వచ్చాడు. గత సంవత్సరం రవితేజ హీరోగా శ్రీ లీల హీరోయిన్ గా వచ్చినటువంటి సినిమా..
ధమాకా సూపర్ హిట్ గా నిలిచి రవితేజ కెరీర్ లోనే తొలి సారి వంద కోట్లకు క్లబ్ లో చేరింది. ఇదిలా ఉండగా హిట్స్ ఫ్లాప్స్ అనే సంబంధం లేకుండా వరుస చిత్రాలలో నటిస్తున్నటువంటి రవితేజ గురించి ఇటు రవితేజ అభిమానులకే కాక ఇండస్ట్రీ కూడా షాక్ అయ్యే షాకింగ్ న్యూస్ నెట్టింట వైరల్ అవుతుంది. అదేమిటంటే రవితేజ ఇక సినిమాలకు గుడ్ బాయ్ చెప్పబోతున్నారట. అవును మీరు విన్నది నిజమే. రవితేజ (Hero Ravi Teja) మరో మూడు నాలుగు సంవత్సరాల ల వరకే హీరోగా కొనసాగి ఆ తరువాత సినిమాలకు పూర్తిగా గుడ్ బై చెప్పబోతున్నారట. మరి ఆ తర్వాత ఏం చేస్తాడు.? అనే ప్రశ్న అందరిలో తలెత్తగా.. దర్శకత్వ రంగం వైపు అడుగు వేయబోతున్నాడట డైరెక్టర్ గా అవతరించబోతున్నాడట.
ఇక ఈ విషయాన్ని స్వయంగా ఎన్నో సందర్భాలలో పలు ఇంటర్వ్యూలలో రవితేజ డైరెక్షన్ పై తనకున్న ఆసక్తిని ఎన్నోసార్లు బయటపెట్ట సాగాడు. అన్నీ అనుకున్నట్టు జరిగితే భవిష్యత్తులో సినిమాలను మానేసి దర్శకత్వం వైపున అడుగు వెయ్యబోతున్నాను అన్నట్టు తెలిపాడు. ఒకవేళ దర్శకత్వం వైపు అడుగులు వేస్తే మాత్రం కచ్చితంగా హీరోగా సినిమాలు మాత్రం చేయనని చెప్పుకొచ్చాడు. ఇక ఈ విషయం ఒక్కసారిగా సోషల్ మీడియాలో వైరల్ అవ్వడంతో రవితేజ అభిమానులు ఆందోళన చెందుతున్నారు. ఒక వేళ దర్శకత్వం వైపు అడుగు వేస్తే మాత్రం ఇక భవిష్యత్తులో రవితేజ సినిమాలు తీయడానికి ఫిలింనగర్ లో టాక్ అయితే వినిపిస్తుంది.
